Құқықтық сауаттылықты арттыру және педагогикалық ұжым арасында сыбайлас жемқорлыққа қарсы заңнаманы бұзудың алдын алу мақсатында №12 орта мектепте мектеп психологтары «Сыбайлас жемқорлық туралы хабардар болу: Мектептегі ақша жинау мәселесі» тақырыбында тестілеу жүргізді.
Сауалнамаға 45 педагог қатысты. Жауаптарды талдау нәтижесінде мұғалімдердің басым бөлігі құқықтық және этикалық білімдерінің жоғары деңгейін көрсетті. Барлық қатысушылар мәжбүрлі ақша жинауға тыйым салынғанын, ерікті жарналардың тек ресми арналар арқылы жүргізілуі қажеттігін және ата-аналар тарапынан шағым түскен жағдайда әрекет ету алгоритмін дұрыс көрсетті.
