15 маусым – “Әкелер күні” қарсаңында мектебіміздің жас өнерпазы, жүрегі мейірімге толы оқушысы Макашев Тимур өз әкесіне деген ыстық ықыласы мен алғыс сезімін ерекше жолмен жеткізді. Тимур жүрек тербетер жылы лебіздерін бейнебаян арқылы арнап, әке деген ұлы есімнің қадірін көркем тілмен жеткізе білді.
Ол өз бейнебаянында әкесінің өмірдегі орны, қамқорлығы мен сүйіспеншілігі туралы тебірене айтып, барша көрерменнің жүрегін елжіретті. Бұл әсерлі туынды – тек бір баланың ғана емес, барлық перзенттің әкеге деген шексіз құрметі мен махаббатының жарқын көрінісі болды.
